مری طرح کوئی سوچے تو باولا ہو جائے

کلام: سراج عالم زخمی1 مارچ، 20211,281قارئین1 تبصرےمطالعے کا وقت: ۱ منٹ

فونٹ سائز:

واٹس ایپ پر شیئر کریں

فیس بک ایکس (X)

یہ تحریر سنئے

مطالعہ کا انداز:

مرے خدا تری رحمت کا آسرا ہو جائے

مرے خلاف بھلے میرا ہم نوا ہو جائے

میں ایک غم میں ہزاروں سراغ ڈھونڈتا ہوں

مری طرح کوئی سوچے تو باولا ہو جائے

وہ ایک سنگ سیہ ہے مگر کمال کا ہے

کوئی جو لمس بھی پا لے تو پارسا ہو جائے

تری ہواؤں کا طوفان تند و تیز سہی

مرے قریب سے گذرے تو پھر ہوا ہو جائے

ذرا سی شہہ جو ملی ہے تو ہوگیا مغرور

کچھ اور ہاتھ جو لگ جائے تو خدا ہو جائے

ہزار بار سنبھلتے سنبھلتے سنبھلے ہیں

کبھی جو پھر سے وہ مل جائے حادثہ ہو جائے

ہزار بات وہ بولیں تو کوئی بات نہیں

میں ایک بات جو کہہ دوں تو انتہا ہو جائے

یہ اس کا پیار مری جان لے کے چھوڑے گا

اسے کہو کہ ذرا دیر تو خفا ہو جائے

خیال ہجر کا لمحہ بھی اک عذاب سا ہے

ترے بغیر تو جینا ہی بد دعا ہو جائے

سراجؔ کچھ تو غزل میں جمال یار بھی ہو

اب اتنے غم نہ جتاؤ کہ مرثیہ ہو جائے

اعلامیہ و ادارتی وضاحت: اس تحریر میں ظاہر کی گئی آراء اور بیانات مصنف کی ذاتی رائے ہیں، ادارہ ‘دی فری لانسر’ کا ان سے متفق ہونا ضروری نہیں ہے۔ کسی بھی تحریر کی اخلاقی و قانونی ذمہ داری خود مصنف پر عائد ہوتی ہے۔ مزید تفصیلات کے لیے ہمارا قانونی اعلامیہ و ٹیک ڈاؤن پالیسی ملاحظہ فرمائیں۔

زمرہ:سراج عالم زخمی مشق سخن

اس مضمون کا علمی کوئز تیار کیا جا رہا ہے...

آفیشل واٹس ایپ چینل — The Freelancer Urdu