جو کبھی نہ آسکا ہے وہ پیام آ نہ جائے

کلام: حمود حسن مبارکپوری13 جنوری، 20211,777قارئین3 تبصرےمطالعے کا وقت: ۱ منٹ

فونٹ سائز:

واٹس ایپ پر شیئر کریں

فیس بک ایکس (X)

یہ تحریر سنئے

مطالعہ کا انداز:

تیری چارہ جوئی ظالم میرے کام آ نہ جائے

میرے قاتلوں میں تیرا کہیں نام آ نہ جائے

میں سفر میں ہوں اکیلا کوئی ہمسفر نہیں ہے

میری جستجو کا سورج لب بام آ نہ جائے

کوئی گنگنا رہا تھا کہیں ‌نغمہ ہائے غم تو

میں ڈرا کہ ضبط چھٹ کر سر عام آ نہ جائے

رہ عاشقی میں ہمدم مجھے خوف ہے تو یہ ہے

جو جنوں سے بھی ہو آگے وہ مقام آ نہ جائے

یہاں مسجدوں میں دیکھی ہے عجیب خود نمائی

یہ امام سوچتا ہے وہ امام آ نہ جائے

میرے حکمراں کے سر پر ہے جنونیت کا سایہ

جو خرد کو پارہ کر دے وہ نظام آ نہ جائے

میں اسیر آسرا ہوں سو حسن یہ سوچتا ہوں

جو کبھی نہ آسکا ہے وہ پیام آ نہ جائے

اعلامیہ و ادارتی وضاحت: اس تحریر میں ظاہر کی گئی آراء اور بیانات مصنف کی ذاتی رائے ہیں، ادارہ ‘دی فری لانسر’ کا ان سے متفق ہونا ضروری نہیں ہے۔ کسی بھی تحریر کی اخلاقی و قانونی ذمہ داری خود مصنف پر عائد ہوتی ہے۔ مزید تفصیلات کے لیے ہمارا قانونی اعلامیہ و ٹیک ڈاؤن پالیسی ملاحظہ فرمائیں۔

زمرہ:حمود حسن مبارکپوری مشق سخن

اس مضمون کا علمی کوئز تیار کیا جا رہا ہے...

آفیشل واٹس ایپ چینل — The Freelancer Urdu