زندگانی لہو آشام ہوئی جاتی ہے

کلام: کاشف شکیل17 دسمبر، 20181,933قارئین5 تبصرےمطالعے کا وقت: ۱ منٹ

فونٹ سائز:

واٹس ایپ پر شیئر کریں

فیس بک ایکس (X)

یہ تحریر سنئے

مطالعہ کا انداز:

زندگانی لہو آشام ہوئی جاتی ہے

موت تو ایسے ہی بدنام ہوئی جاتی ہے

صبح افکار پریشاں کی کشاکش ٹھہری

درد میں ڈوبی ہوئی شام ہوئی جاتی ہے

وصل بھی بن نہ سکا باعث تسکیں آخر

زندگی آپ میں کہرام ہوئی جاتی ہے

خواب محشر ہے مرے پارہ جگر گوشوں کا

نیند میرے لیے انعام ہوئی جاتی ہے

آتش عشق میں افراط کی حالت مت پوچھ

جیسے دنیا مری کہرام ہوئی جاتی ہے

جس کو سمجھا تھا کبھی میں نے وفا کی مورت

بے وفا وہ بھی سر انجام ہوئی جاتی ہے

اضطراب دل نادان جُنوں میں مت پوچھ

وحشت اب لرزہ بر اندام ہوئی جاتی ہے

خود فراموشی کا عالَم ہے یہ کیسا کاشف

جستجوئے دل نا کام ہوئی جاتی ہے

اعلامیہ و ادارتی وضاحت: اس تحریر میں ظاہر کی گئی آراء اور بیانات مصنف کی ذاتی رائے ہیں، ادارہ ‘دی فری لانسر’ کا ان سے متفق ہونا ضروری نہیں ہے۔ کسی بھی تحریر کی اخلاقی و قانونی ذمہ داری خود مصنف پر عائد ہوتی ہے۔ مزید تفصیلات کے لیے ہمارا قانونی اعلامیہ و ٹیک ڈاؤن پالیسی ملاحظہ فرمائیں۔

زمرہ:مشق سخن کاشف شکیل

اس مضمون کا علمی کوئز تیار کیا جا رہا ہے...

آفیشل واٹس ایپ چینل — The Freelancer Urdu