حیات کاشف محال جاناں

کلام: کاشف شکیل28 جون، 20211,853قارئین5 تبصرےمطالعے کا وقت: ۱ منٹ

فونٹ سائز:

واٹس ایپ پر شیئر کریں

فیس بک ایکس (X)

یہ تحریر سنئے

مطالعہ کا انداز:

غزل ہو تم یا غزال جاناں

ہر اک ادا بے مثال جاناں

ردا سے ظاہر ہے بے ردائی

ذرا سا آنچل سنبھال جاناں

یہ روپ تیرا، یہ حسن تیرا

جمال جاناں! کمال جاناں!

میں روز مر مر کے جی رہا ہوں

فراق میں ہے وہ حال جاناں

مری محبت امر رہے گی

کبھی نہ ہوگا زوال جاناں

تمھاری نظر کرم سے ہوگی

مری طبیعت بحال جاناں

میں پھر سے تاریک ہو رہا ہوں

مجھے تو پھر سے اُجال جاناں

غزل میں الفاظ کچھ بھی کہہ لوں

مگر ہے تو ہی خیال جاناں

او میری دھڑکن! تمھارے بن ہے

حیات کاشف محال جاناں

اعلامیہ و ادارتی وضاحت: اس تحریر میں ظاہر کی گئی آراء اور بیانات مصنف کی ذاتی رائے ہیں، ادارہ ‘دی فری لانسر’ کا ان سے متفق ہونا ضروری نہیں ہے۔ کسی بھی تحریر کی اخلاقی و قانونی ذمہ داری خود مصنف پر عائد ہوتی ہے۔ مزید تفصیلات کے لیے ہمارا قانونی اعلامیہ و ٹیک ڈاؤن پالیسی ملاحظہ فرمائیں۔

زمرہ:مشق سخن کاشف شکیل

اس مضمون کا علمی کوئز تیار کیا جا رہا ہے...

آفیشل واٹس ایپ چینل — The Freelancer Urdu