کورونا وائرس
فونٹ سائز:
یہ تحریر سنئے
مطالعہ کا انداز:
تم کورونا سے ڈرتے ہو
کیوں موت سے پہلے مرتے ہو
معلوم ہے کیا ہے کورونا؟
مخلوق ہے یہ بھی سمجھو نا!
تم مومن ہو تو کیسا ڈر
تم کو ہو بس خالق کا ڈر
اللہ محافظ ہے جانو
اللہ سے حسنِ ظن رکھو
مومن کے لیے رب کافی ہے
بیماری میں وہ شافی ہے
تکلیف اگر ہے قسمت میں
پہنچے گی ہمیں ہر صورت میں
لکھی ہے اگر مولا نے نجات
پھر موت سے لڑ جائے گی حیات
تم کو جو مصیبت آئے گی
وہ خیر بھی ساتھ میں لائے گی
زندہ جو رہے تو صبر کیا
اور صبر کیا تو اجر لیا
ہوتی ہیں بلائیں کفارہ
درجات کو کرتی ہیں اونچا
تم پڑھ کے نماز اور کر کے وضو
اسلام کی پھیلاؤ خوش بو
تم پاک رکھو دل اور دماغ
شاداب رہے ایمان کا باغ
قرآن پڑھو اور ذکر کرو
اک پل بھی نہ رب سے غافل ہو
ہر وقت دعائیں کرتے رہو
اور صدقہ کرنا مت بھولو
صدقے سے بلائیں ٹلتی ہیں
صدقے سے راہیں نکلتی ہیں
لازم ہے مگر تدبیر کرو
پھر تسلیمِ تقدیر کرو
دیکھو یہ بھی ہے کارِ ثواب
اپناؤ بچاؤ کے اسباب
اور صاف صفائی ضروری ہے
اس میں ہی شر سے دوری ہے
مشکل سے نکالے گا اللہ
آفت سے بچا لے گا اللہ
مضبوط ہے جب اپنا ایمان
رحمت سے نوازے گا رحمان
پھر کورونا سے ڈرنا کیا
ہر لمحہ آہیں بھرنا کیا
عبدالکریم شادؔ و عطاؔ رحمانی
اعلامیہ و ادارتی وضاحت: اس تحریر میں ظاہر کی گئی آراء اور بیانات مصنف کی ذاتی رائے ہیں، ادارہ ‘دی فری لانسر’ کا ان سے متفق ہونا ضروری نہیں ہے۔ کسی بھی تحریر کی اخلاقی و قانونی ذمہ داری خود مصنف پر عائد ہوتی ہے۔ مزید تفصیلات کے لیے ہمارا قانونی اعلامیہ و ٹیک ڈاؤن پالیسی ملاحظہ فرمائیں۔
اس مضمون کا علمی کوئز تیار کیا جا رہا ہے...
آفیشل واٹس ایپ چینل — The Freelancer Urdu
دی فری لانسر کے باضابطہ واٹس ایپ چینل سے جڑیں
تمام نئی وقیع تحریریں، علمی و تحقیقی مضامین اور ادبی کالم براہِ راست اپنے موبائل پر حاصل کریں۔
تبصرے و آراء (0)
ابھی تک اس تحریر پر کوئی تبصرہ شائع نہیں ہوا۔
آپ اپنی قیمتی رائے کا اظہار نیچے فارم کے ذریعے کر سکتے ہیں!
