کالا قانون
فونٹ سائز:
یہ تحریر سنئے
مطالعہ کا انداز:
ظلم کا بول بالا نہیں چاہیے
ہم کو قانون کالا نہیں چاہیے
مے کدے کا نظام اس سے ہوگا خراب
ساقیو! مے کشوں پر نہ ڈالو عذاب
پیش کرتے ہو جس کو بتا کر شراب
زہر کا یہ پیالہ نہیں چاہیے
ہم کو قانون کالا نہیں چاہیے
امن و اصلاح کی بات کرتے ہو تم
جہل کے آئنے میں سنورتے ہو تم
کوئی پتھر دکھائے تو ڈرتے ہو تم
ایسا قائد نرالا نہیں چاہیے
ہم کو قانون کالا نہیں چاہیے
ہم کو دھوکا نہ دو شیریں گفتار سے
گل کی تشبیہ دیتے ہو تم خار سے
تم جو پہنا رہے ہو بڑے پیار سے
نفرتوں کی یہ مالا نہیں چاہیے
ہم کو قانون کالا نہیں چاہیے
تم کو اوج و ترقی سے مطلب نہیں
کیا سیاست کا کوئی بھی مذہب نہیں
خوب جھیلا ہے تم کو مگر اب نہیں
پھر کوئی دیو مالا نہیں چاہیے
ہم کو قانون کالا نہیں چاہیے
تم سمجھتے ہو اپنی زمیں کو فلک
دل میں رکھتے ہو کیا جانے کیسی کھٹک
تم شکر کی جگہ ڈالتے ہو نمک
ایسا کھارا پیالہ نہیں چاہیے
ہم کو قانون کالا نہیں چاہیے
ہاتھ اک دوسرے سے ملاتے ہیں ہم
بانٹ لیتے ہیں مل کر خوشی ہو کہ غم
ساتھ نکلے ہیں لے کر وطن کا علم
ہم کو ہاتھوں میں بھالا نہیں چاہیے
ہم کو قانون کالا نہیں چاہیے
ہم ہیں بھارت کے سچے سپاہی سنو!
کیسے ثابت نہ ہو بے گناہی سنو!
ذرے ذرے نے دی ہے گواہی سنو!
تم سے کوئی حوالہ نہیں چاہیے
ہم کو قانون کالا نہیں چاہیے
راز سربستہ لاشوں کے ڈھیروں میں ہے
زہر تو آج کل کے سپیروں میں ہے
روشنی کی ضرورت اندھیروں میں ہے
یعنی دن میں اجالا نہیں چاہیے
ہم کو قانون کالا نہیں چاہیے
شاد! جوشِ جنوں میں یہی دل کہے
آنکھ گیلی نہ ہو خوں بہے تو بہے
بھوک سے پیٹ چاہے ٹڑپتا رہے
ذلتوں کا نوالہ نہیں چاہیے
ہم کو قانون کالا نہیں چاہیے
اعلامیہ و ادارتی وضاحت: اس تحریر میں ظاہر کی گئی آراء اور بیانات مصنف کی ذاتی رائے ہیں، ادارہ ‘دی فری لانسر’ کا ان سے متفق ہونا ضروری نہیں ہے۔ کسی بھی تحریر کی اخلاقی و قانونی ذمہ داری خود مصنف پر عائد ہوتی ہے۔ مزید تفصیلات کے لیے ہمارا قانونی اعلامیہ و ٹیک ڈاؤن پالیسی ملاحظہ فرمائیں۔
اس مضمون کا علمی کوئز تیار کیا جا رہا ہے...
آفیشل واٹس ایپ چینل — The Freelancer Urdu
دی فری لانسر کے باضابطہ واٹس ایپ چینل سے جڑیں
تمام نئی وقیع تحریریں، علمی و تحقیقی مضامین اور ادبی کالم براہِ راست اپنے موبائل پر حاصل کریں۔
تبصرے و آراء (0)
ابھی تک اس تحریر پر کوئی تبصرہ شائع نہیں ہوا۔
آپ اپنی قیمتی رائے کا اظہار نیچے فارم کے ذریعے کر سکتے ہیں!
