تم کو کھونے سے تم کو پانے تک

کلام: فوزان جے راجپوری9 جولائی، 20192,059قارئین4 تبصرےمطالعے کا وقت: ۱ منٹ

فونٹ سائز:

واٹس ایپ پر شیئر کریں

فیس بک ایکس (X)

یہ تحریر سنئے

مطالعہ کا انداز:

تم کو کھونے سے تم کو پانے تک

ہم گماں میں ہی تھے زمانے تک

ہر ادا مجھ کو یاد ہے تیری

مسکرانے سے دل دکھانے تک

آج تم کو نشے میں دیکھیں گے

تم بھی آؤ شراب خانے تک

لوٹ آیا ہوں جس کی خاطر میں

منتظر تھا وہ لوٹ آنے تک

آپ سے ایک بس گذارش ہے

صبر رکھیے گا آزمانے تک

فاصلہ کچھ تو رکھ لیا ہوتا

اس بہانے سے اس بہانے تک

سچ میں دنیا ہے صرف مطلب کی

ہم بھی ان کے تھے کام آنے تک

کتنا مصروف ہے بھلا فوزان

دل بھی آتا نہیں دکھانے تک

اعلامیہ و ادارتی وضاحت: اس تحریر میں ظاہر کی گئی آراء اور بیانات مصنف کی ذاتی رائے ہیں، ادارہ ‘دی فری لانسر’ کا ان سے متفق ہونا ضروری نہیں ہے۔ کسی بھی تحریر کی اخلاقی و قانونی ذمہ داری خود مصنف پر عائد ہوتی ہے۔ مزید تفصیلات کے لیے ہمارا قانونی اعلامیہ و ٹیک ڈاؤن پالیسی ملاحظہ فرمائیں۔

زمرہ:مشق سخن فوزان جے راجپوری

اس مضمون کا علمی کوئز تیار کیا جا رہا ہے...

آفیشل واٹس ایپ چینل — The Freelancer Urdu