فضیلۃ الشیخ عبدالباسط ریاضیؔ کی یاد میں

کلام: شیخ صلاح الدین مقبول احمد مدنی18 جولائی، 20241,769قارئین1 تبصرےمطالعے کا وقت: ۲ منٹ

فونٹ سائز:

واٹس ایپ پر شیئر کریں

فیس بک ایکس (X)

یہ تحریر سنئے

مطالعہ کا انداز:

فضیلۃ الشیخ عبدالباسط ریاضیؔ رحمہ اللہ کی یاد میں

(یکم جولائی 1943ء -12؍جولائی 2024ء)

نگاہِ شوق میں ان کا مقام عالی ہے

مثیلِ رشک ہیں اور زندگی مثالی ہے

مقام ان کا یہاں پر جو آج خالی ہے

یہ بندہ رب سے اسی کے لیے سوالی ہے

صفاتِ خیر کے جامع وہ ایک گونہ تھے

روایتوں کے امیں تھے وہ اک نمونہ تھے

نقیبِ علم تھے اخلاق میں مثالی بھی

مجالِ دعوت وتبلیغ میں کمالی بھی

بہ ایک وقت جمالی بھی اور جلالی بھی

بطورِ فیض جنوبی بھی اور شمالی بھی

تھی شخصیت میں دل آویزیٔ و ہمہ گیری

انھی کے حق میں رہا کرتی بزم کی میری

نشانِ راہِ ہدایت میں جاودانی تھے

وہ اپنی پیری میں بھی پیکرِ جوانی تھے

زمانِ حال میں ماضی کی وہ کہانی تھے

خلاصہ یہ کہ وہ اسلاف کی نشانی تھے

کتاب و سنت سیرت سے رابطہ ان کا

بتا رہا ہے زمانے کو ضابطہ ان کا

ہوئی ہیں فیضِ فراواں سے بستیاں دل شاد

ہے ان کے فیض سے اس وقت اک جہاں آباد

قبول ہو درِ رب پر، سبھی کی ہے فریاد

سنی گئی ہے بہت ان کے خیر کی روداد

بتا رہے ہیں جہاں کو تلامذہ ان کے

کہ ایسے ایسے رہے ہیں اساتذہ ان کے

ادب سے منزلِ مقصود کا پتہ نکلا

نصیحتوں سے ہدایت کا راستہ نکلا

قرینِ فخر ہے ہر یک گماشتہ نکلا

مثیلِ فیض کا جو فیض یافتہ نکلا

نوائے فکر و عمل کان میں ابھی تک ہے

اثر یہ چند ہی لمحات کا بلا شک ہے

غمِ فراق ہے، پر رب کی ہے رضامندی

ہمیں تو کرنی ہے اس کی رضا کی پابندی

یہ موت کیسے بھلا دیتی ہے قلاقندی

اسی کی زد میں ہے ہر ایک بندۂ و بندی

دعائے مصلحؔ خستہ ہے جانے والے کو

ہزار رحمتیں حاصل ہوں اس جیالے کو

صلاح الدین مقبول احمد مصلحؔ نوشہروی (17/7/2024، نئی دہلی)

اعلامیہ و ادارتی وضاحت: اس تحریر میں ظاہر کی گئی آراء اور بیانات مصنف کی ذاتی رائے ہیں، ادارہ ‘دی فری لانسر’ کا ان سے متفق ہونا ضروری نہیں ہے۔ کسی بھی تحریر کی اخلاقی و قانونی ذمہ داری خود مصنف پر عائد ہوتی ہے۔ مزید تفصیلات کے لیے ہمارا قانونی اعلامیہ و ٹیک ڈاؤن پالیسی ملاحظہ فرمائیں۔

زمرہ:مشق سخن شیخ صلاح الدین مقبول احمد مدنی

اس مضمون کا علمی کوئز تیار کیا جا رہا ہے...

آفیشل واٹس ایپ چینل — The Freelancer Urdu